Yaramazan

Yaramazan – bul qaraqalpaq salt jırlarınıń biri. Bul yaramazan islam dininiń tásirindegi adamlar bir aylıq oraza tutqanda aydıń basında, ortasında hám ayaǵında aytıladı. Salt jırlarınıń ishinde yaramazan qosıqları xalıq dástúrinen qalıp ketti.

Yaramazandı kásip qılǵan burınǵı zamanda adamlar qasına bir neshe jaslardı toplap alıp basqa urıwdıń ellerine barıp jańa tu’sken kelinshektiń, yaki úyinde er jetken qızı bar úydiń tusına kelip at ústinde turıp yaramazan baslaytuǵın bolg’an. Yaramazanshı yaramazannıń tórt qatarın aytıp bolǵannan keyin qasındaǵılar kollektiv bolıp xor menen yaramazan baslawshını quwatlaǵan. Bulardıń jırı saxnadaǵı xorǵa uqsap ketedi. Yaramazannıń qosıq úlgileri mına tómendegishe bolıp keledi:

Mınaw úydin’ esigi erbenedi,
Tórinde altin besik terbenedi,
Yaramazan aytqanǵa ne beredi.

A’debiyatlar

1. Q. Ayimbetov. Xalıq danalıg’ı. No’kis: “Qaraqalpaqstan” baspası, 1968, - 297-b.